Camp BGen Simeon A Ola, Legazpi City – Personal na ipinaabot ni PBGen Rudolph B Dimas, Regional Director ng Police Regional Office 5 ang kanyang pakikiramay sa pamilya ni PEMS Israel Rebosura sa Barangay Dao, Pilar, Sorsogon nitong Huwebes, Setyembre 8, 2022.
Si PEMS Rebosura ay aktibong miyembro ng PNP ng Pilar Municipal Police Station na napatay sa insidente ng pamamaril na ginawa ng NPA.
Ibinigay naman ni PBGen Dimas ang kanyang pinakamataas na paggalang sa pulis at ginawaran siya ng Posthumous Award na “Medalya ng Kadakilaan” na tinanggap ng kanyang asawa.
Nagbigay din si PBGen Dimas ng tulong pinansyal sa pamilya at tinitiyak din niya na handa ang PNP na magbigay ng anumang uri ng tulong para mabawasan ang sakit at pighati na nararamdaman nila sa biglaang pagkawala ng kanilang padre de pamilya.
Ang Pambansang Pulisya ay mariing kinokondena ang pagtraydor at hindi makatarungang pagpatay sa mga taong naglilingkod ng tapat sa gobyerno.
