Sto. Domingo, Ilocos Sur – Arestado ng Sto. Domingo PNP ang Top 3 Most Wanted Person (Regional Level) sa kasong 17 Counts of Rape sa Brgy. San Miguel, Jordan, Guimaras, Ilocos Sur nitong Miyerkules, Ika-7 ng Setyembre 2022.
Kinilala ni Police Lieutenant Rodel T Marzan, Officer-In-Charge ng Sto. Domingo Municipal Police Station, ang suspek na si Rogelio Tacal y Navarro, 53, may asawa at residente ng Brgy. San Miguel, Jordan, Guimaras, Ilocos Sur.
Ayon kay PLt Marzan, bandang 10:25 ng umaga nang naaresto ang suspek sa kanyang tirahan ng mga operatiba ng Sto. Domingo MPS, katuwang ang Ilocos Sur Intelligence Unit, Ilocos Sur Provincial Drug Enforcement Unit, Regional Intelligence Division PRO1, Regional
Intelligence Unit 1, at Jordan MPS.
Dagdag pa ni PLt Marzan, naaresto ang suspek sa bisa ng Warrant of Arrest sa kasong 17 Counts of Rape na walang rekomendadong piyansa.
Ang operasyon ng PNP ay lalong papaigtingin laban sa mga may pananagutan sa batas upang makamtan ang tunay na kapayaan sa ating komunidad.
Source: Sto. Domingo PNP
Panulat ni PSSg Marvin Jake Romero
