Jolo, Sulu – Arestado ng Jolo PNP ang apat na lalaki sa ilegal na pagsusugal sa Hadji Butu, Brgy Asturias, Jolo, Sulu noong Setyembre 6, 2022.
Kinilala ni PMaj Annidul Sali, Officer-In-Charge, Jolo Municipal Police Station, ang mga suspek na sina Iraji Aljimer, Iraji Dadimar, Isnain Parson Eismarabiya at Aral Hadzhar.
Ayon sa report ay may tumawag na concerned citizen tungkol sa ilegal na pagsusugal at agad itong pinuntahan ng mga tauhan ng Jolo MPS upang beripikahin at namataan sa akto ang mga suspek na nagsusugal ng “Tong-its”.
Mahaharap ang mga suspek sa kasong paglabag sa PD 1602 o “Prescribing Stiffer Penalties on Illegal Gambling” kapag napatunayang nagkasala ang mga ito sa hukuman.
Ang PNP ay nagpapaalala sa komunidad na kung maaari ay umiwas sa ganitong gawain ng sa gayon ay hindi humantong sa pagkakulong.
Maging isang halimbawa sa inyong pamayanan, magkaroon ng malasakit sa komunidad para makamit ang pagkakaisa tungo sa kaunlaran ng bansa.
Panulat ni Patrolman Mark Vincent Valencia
