Tabuk City, Kalinga – Tinatayang Php2,000,000 halaga ng fully grown marijuana plants ang binunot at sinunog ng mga otoridad sa isinagawang marijuana eradication sa Brgy. Nambaran, Tabuk City, Kalinga nito lamang September 5-6, 2022.
Ayon kay Police Brigadier General Mafelino Bazar, Regional Director, Police Regional Office Cordillera, ang operasyon ay dahil sa pinagsamang puwersa ng mga operatiba ng Provincial Drug Enforcement Unit/Provincial Intelligence Unit (PDEU/PIU) Kalinga Police Provincial Office, Tabuk City Police Station, 1st Kalinga Provincial Mobile Force Company, 1501st at 1503rd Regional Mobile Force Battalion 15, Regional Intelligence Unit 14, 141st Special Action Company, 14th Special Action Battalion-PNP Special Action Force at Philippine Drug Enforcement Agency (PDEA).
Nadiskubre sa Brgy. Nambaran ang tinatayang 10,000 pirasong fully-grown marijuana plants sa plantasyon na may kabuuang sukat na 1000 square meters at tinatayang nagkakahalaga ng Php2,000,000.
Kaagad namang binunot at sinunog ng mga operatiba ang mga nadiskubreng fully-grown marijuana plants at walang naitalang nahuling marijuana cultivator.
Ang Kalinga PNP ay patuloy na makikipag-ugnayan sa komunidad para mahuli ang mga nagtanim ng ipinagbabawal na halaman at papaigtingin ang pagpuksa sa mga ilegal na halaman sa kanilang nasasakupan.
Panulat ni Patrolman Raffin Jude Suaya
