Pototan, Iloilo – Timbog ang maglive-in partner sa isinagawang drug buy-bust operation ng mga tauhan ng Pototan Municipal Police Station dakong alas 4:00 ng hapon nitong Setyembre 4, 2022 sa Brgy. Nanga, Pototan, Iloilo.
Kinilala ni Police Major Roy Tayona, Officer-In-Charge ng Pototan MPS, ang mga suspek na sina Bernardo Ballesteros, 30, residente ng Brgy. Buray, Oton at Gemalyn Alilain, residente naman ng Sibalom, Antique.
Ayon pa kay PMaj Tayona, tatlong linggo nang minamanmanan ng kapulisan ang mga suspek.
Narekober sa kanila ang limang sachet ng hinihinalang shabu na may timbang na 15 grams at Standard Drug Price na Php102,000.
Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Tiniyak naman ni PMaj Tayona na mas paiigtingin pa ng Pototan MPS ang kampanya laban sa ilegal na droga sa bawat barangay at hinikayat ang publiko na tumulong sa mga awtoridad sakaling may impormasyon kaugnay sa mga pinagbabawal na droga sa buong bayan ng Pototan.
