Balagtas, Bulacan – Tinatayang Php9,720,000 halaga ng marijuana ang nakumpiska sa isinagawang buy-bust operation ng Balagtas PNP nito lamang Linggo, Setyembre 4, 2022.
Kinilala ni Police Colonel Charlie Cabradilla, Acting Provincial Director ng Bulacan Police Provincial Office, ang dalawang suspek na sina Mark Lambert Bhobe y Guinto, 31, residente ng Meycauyan, Bulacan at si Angelo Llgas, 24, residente ng San Jose Del Monte, Bulacan.
Ayon kay PCol Cabradilla, bandang 2:45 ng hapon nang maaresto ang dalawang suspek sa Brgy. Santol, Balagtas, Bulacan ng mga operatiba ng Station Drug Enforcement Unit ng Balagtas Municipal Police Station.
Narekober mula sa dalawang suspek ang 81 gramo na hinihinalang marijuana na may tinatayang halaga na Php9,720,000; at limang pirasong Php1,000 bill na marked money.
Nahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Police Regional Office 3 ay patuloy ang ginagawang operasyon para tuluyang mahuli ang mga nagbebenta at gumagamit ng ilegal na droga upang maging malaya sa ipinagbabawal na gamot na sumisira sa kinabukasan ang mga mamamayan ng Central Luzon.
Source: Bulacan Police Provincial Office
Panulat ni Police Corporal Jeselle Rivera
