Catanauan, Quezon – Nagsagawa ng Feeding Program ang Catanauan PNP sa Brgy. Poblacion 07, Catanauan, Quezon nitong Linggo, Setyembre 4, 2022.
Ang aktibidad ay pinangunahan ni Police Executive Master Sergeant Jesus Cabangon, Municipal Executive Senior Police Officer (MESPO) sa ilalim ng pamumuno ni Police Captain Lindley Tibuc, Acting Chief of Police ng Catanauan Municipal Police Station katuwang ang One World Institute, Asia America Initiative at San Francisco Cosmopolitan Lions Club.
Tinatayang 50 na bata kasama ang mga magulang ang nahandugan ng mainit na sopas sa nabanggit na barangay.
Layunin ng aktibidad na maghatid ng serbisyo ng pamahalaan upang mapadama na ang pulisya ay sandigan at kaibigan ng mga kabataan na handang magprotekta para sa kanilang kaligtasan.
Source: Catanauan Municipal Police Station
Panulat ni Police Staff Sergeant Donabel Dulin
