Sultan Kudarat – Nakakaantig puso ang ginawang kabutihan ng mga kapulisan ng 1202nd Maneuver Company, Regional Mobile Force Battalion 12 sa kanilang pagtulong sa isang matandang lalaki upang makauwi sa bahay nito sa Poblacion, Tacurong City, Sultan Kudarat, noong Setyembre 4, 2022.
Ayon kay PCpt Joemari Y Cua, Officer-In-Charge ng 1202nd MC, habang nagpapatupad ng checkpoint ang kanilang mga tauhan ay pumukaw sa kanilang pansin ang isang matandang lalaki (Senior Citizen) na naglalakad at mukhang nanghihina na dahil sa haba ng nilakad nito sa kalagitnaan ng tirik ng araw.
Ito ay kanilang pinakain, binigyan ng pera at pinasakay sa tricycle para maihatid sa kanilang bahay sa Poblacion, Tacurong City, Sultan Kudarat.
At ng kanilang makapanayam si tatay ay kanilang nalaman na ito ay galing pa sa bayan ng Isulan, Kudarat at may dinaramdam na sakit sa kanyang mata.
Labis naman ang pasasalamat ni tatay sa natanggap nitong tulong galing sa mga kapulisan.
Talaga namang nakakataba ng puso ang ginawang kabutihan at pagmamalasakit ng ating mga kapulisan.
Panulat ni Patrolman Khnerwin Jay A Medelin
