San Nicolas, Ilocos Norte – Nagsagawa ng Medical, Dental at Outreach Program ang Ilocos Norte Police Provincial Office kaugnay ng National Crime Prevention Week sa Brgy. San Marcos, San Nicolas, Ilocos Norte nito lamang Sabado, Setyembre 3, 2022.
Pinangunahan ng Provincial Community Affairs and Development Unit, INPPO ang programa sa pamumuno ni Police Major Jephre S. Taccad, Officer-In-Charge katuwang ang KKDAT members, San Nicolas PNP, at Barangay-Based Group.
Ayon kay Police Major Taccad, nagbigay sila ng mga gamot at bitamina mula sa Provincial Health Office at nagbigay din sila ng grocery packs mula sa AYALA Foundation Incorporated kung saan 30 pamilya ang nakinabang.
Dagdag pa ni Police Major Taccad, nabigyan din ang mga bata ng School Supplies, Story books at personalized na payong mula kay Ms. Annaliza Gaspar ng LGU Piddig.
Aniya pa ni Police Major Taccad, nagsagawa din sila ng feeding program mula sa San Nicolas Advocacy Group at libreng dental check-up para sa 27 na bata na pinangunahan naman ni Dr. Randy Andres, Medical Dentist RHU San Nicolas.
Patuloy naman ang PNP kasama ang iba’t ibang organisasyon sa pagsasagawa ng mga programa kung saan makikinabang ang mamamayan lalo na ang mga kabataan upang lumaki sila ng tama at may pangarap.
Source: Ilocos Norte Police Provincial Office
Panulat ni Patrolman Viljon Comilang
