Balingasag, Misamis Oriental – Arestado ang Top 2 Most Wanted Person (Municipal Level) sa kasong Statutory Rape sa Purok 2, Brgy. Samay, Balingasag, Misamis Oriental nito lamang Agosto 31, 2022.
Kinilala ni Police Major Teodoro De Oro, Officer-In-Charge ng Balingasag Municipal Police Station, ang suspek na si Angever Palacio Cunhot, 22, residente ng Purok 2, Brgy. Samay, Balingasag, Misamis Oriental.
Ayon kay PMaj De Oro, naaresto ang suspek bandang 2:00 ng tanghali sa naturang lugar ng mga operatiba ng Balingasag Municipal Police Station, 1001st Regional Mobile Force Battalion 10, Binuangan Municipal Police Station at Philippine Army sa bisa ng Warrant of Arrest sa kasong Statutory Rape na walang inirekomendang piyansa.
Ang PNP ay hindi titigil na arestuhin ang mga taong may pagkakasala sa batas, upang ang lungsod ng Misamis Oriental ay maging payapa at ligtas na komunidad.
Panulat ni Patrolman Jomhel Tan/RPCADU 10
