Tuguegarao City, Cagayan – Muling umarangkada ang Valley Cops sa pagsasagawa ng “PNP Oplan Balik Eskwela, I am Strong (BES)” nito lamang Biyernes, Setyembre 2, 2022 sa Balzain Elementary School, Tuguegarao City, Cagayan.
Pinangunahan ang aktibidad ng Regional Police Community Affairs and Development Division 2 (RCADD) sa ilalim ng liderato ni Police Colonel Mario P Malana, Chief RCADD2, kasama ang Tuguegarao City Police Station.
Masayang tinanggap ng mga benepisyaryong estudyante ang kanilang bagong school bags at hygiene kits mula sa mga pulis.
Nagkaroon din ng feeding program at sayawan kung saan aktibong nakilahok ang mga bata.
Layunin ng programang ito na mailapit ang mga pulis sa ating mga kabataan upang maitanim sa kanilang murang isipan na ang pulis ay kanilang kakampi at kaibigan.
Samantala, siniguro naman ni Police Brigadier General Steve B Ludan na magpapatuloy ang Valley Cops sa paghahatid ng saya at tulong hindi lamang sa mga kabataan kundi sa lahat ng mamamayan sa kanilang nasasakupan.
Source: Police Regional Office 2
Panulat ni Police Staff Sergeant Mary Joy D Reyes
