Itbayat, Batanes – Ipinakita ng mga tauhan ng Itbayat Police Station ang kanilang pagseserbisyo publiko sa pamamagitan ng pagtulong upang iahon ang mga bangkang pangisda sa Port Chinapoliran, Barangay San Rafael, Itbayat, Batanes noong Setyembre 2, 2022.
Ayon kina Patrolman Brigido D Salva Jr at Patrolman Charito B Bedania, nagpapatrolya at nagmomonitor sila dahil sa papalapit na Bagyong Henry nang makita nila ang mga mangingisdang iniaahon ang kanilang mga bangka.
Hindi nag-atubili ang dalawang kapulisan na tumulong kaya’t nailipat sa mas ligtas at maayos na lugar ang mga bangka.
Ang ipinakita ng mga kapulisan ay pagpapatunay na ang Pambansang Pulisya ay may malasakit sa kapwa upang makamit ang kaayusan at kapayapaan tungo sa kaunlaran ng bayan.
Source: Itbayat PS
Panulat ni Police Corporal Carla Mae P Canapi
