Tagbilaran City, Bohol – Nakumpiska ang tinatayang Php1,490,000 halaga ng shabu sa isinagawang buy-bust operation ng mga otoridad sa Purok 4, Barangay San Isidro, Tagbilaran City, Bohol nito lamang Huwebes, Setyembre 1, 2022.
Kinilala ni Police Lieutenant Colonel Regie P Real, Hepe ng Tagbilaran City Police Station, ang dalawang suspek na sina Irwin Saco Ang, 39, residente ng Purok 6 Barangay Mangga, Tagbilaran City at Zacarias Macalinao Gondong, 35, residente ng Purok 3 Barangay Mangga, Tagbilaran City.
Ayon kay PLtCol Real, naaresto ang dalawang suspek bandang 11:54 ng gabi sa magkatuwang na operasyon ng Tagbilaran City Police Station, PNP RPDEU 7, PDEA Bohol Provincial Office, at PIU Bohol.
Ayon pa kay PLtCol Real, nakuha sa dalawang suspek ang mahigit sa 220 gramo ng shabu na tinatayang nagkakahalaga ng Php1,490,000 at buy-bust money.
Ang mga suspek ay nahaharap sa kasong paglabag sa Section 5 at 11, Article II ng RA 9165 o ang Comprehensive Dangerous Drugs Act of 2002.
Tinitiyak naman ng Bohol PNP na patuloy nilang papaigtingin ang mga operasyon kontra ilegal na droga at anumang krimen upang mapanatili ang maayos at ligtas na komunidad.
Panulat ni Patrolman Carl Philip Galido
