Hamtic, Antique – Muling isinakatuparan ng mga tauhan ng Hamtic Municipal Police Station sa pamumuno ni Police Captain Horizon D Villanueva, ang isang Community Outreach Program nitong ika-2 ng Setyembre 2022 sa isang paaralan sa Brgy. Buhang, Hamtic, Antique.
Katuwang ng Hamtic MPS ang mga miyembro ng Advocacy Support Groups sa pangunguna ni Mr. Roland A Elio, na tumulong din upang maisakatuparan ang naturang feeding program para sa mga mag-aaral ng Buhang National High School na siyang benepisyaryo ng programa.
Bahagi ang naturang aktibidad sa programang Oplan Pag-ulikid ng naturang istasyon na nakabatay din sa programang PNP “Kapwa Ko Sagot Ko” na may layuning patuloy na maghatid ng tulong at suporta sa mga kabataan.
Nagpasalamat naman si PCpt Villanueva sa walang humpay na tulong ng mga Advocacy Support Groups at ng iba pang mga stakeholders upang maging matagumpay ang pagsasagawa ng naturang programa.
