Davao City – Tinatayang Php180,000 halaga ng hinihinalang shabu ang nasabat sa isinagawang buy-bust operation sa isang drug den ng PNP at PDEA, noong Setyembre 1, 2022.
Kinilala ni PMaj Noel Villahermosa, Station Commander ng Talomo Police Station, ang mga suspek na sina alyas “Baki”, “Antonio”, “Leo”, “Daniel” at “Alan” na mga residente ng nasabing lugar.
Ayon kay PMaj Villahermosa, naaresto ang mga suspek sa Brgy. Talomo Proper Davao City ng pinagsamang tauhan ng Talomo PS at PDEA XI katuwang ang NBI XI.
Dagdag pa ni PMaj Villahermosa, nakuha sa mga suspek ang ilang pakete ng hinihinalang shabu na may tinatayang street market value na Php180,000.
Ang mga suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang pagkakadakip ng mga suspek ay malaking tulong sa Police Regional Office 11 upang maabot ang layunin na gawing drug-free ang rehiyon onse sa pamumuno ni PBGen Benjamin Silo Jr., PRO11 Regional Director.
Panulat ni Patrolman Alfred Vergara
