Southern Leyte – Patuloy na nagsasagawa ng PNP community outreach program ang mga tauhan ng 1st Southern Leyte Provincial Mobile Force Company sa Barangay Hilaan, Bontoc, Southern Leyte nito lamang Miyerkules, Agosto 31, 2022.
Ang programa ay pinangunahan ni Police Chief Master Sergeant Elmer L Castillon, CAS, PNCO kasama ang Community Affairs Section Team sa ilalim ng pangangasiwa ni Police Lieutenant Colonel Geraldo Benjamin A Avengoza, Force Commander.
Matagumpay na naisagawa ang aktibidad sa pamamagitan ng pagbibigay ng libreng gupit habang isinasagawa ang 2nd Day Lokal Serbisyo Caravan at Grand Pulong-pulong para sa Bontoc RCSP Focus Barangay.
Layunin ng aktibidad na pagsama-samahin ang pagsisikap ng mga Local Government Units, National Government Agencies at iba’t ibang sektor upang mailapit ang mga serbisyo sa mga tao at isulong ang mabuting pamamahala.
Dumalo rin sa nasabing aktibidad sina Hon. Noel Alinsub, Municipal Mayor, mga pinuno ng iba’t ibang ahensya ng gobyerno mula sa Municipal Health Unit, MSWD, LCR, DA, MTO, MDRRM, BFP, TESDA, DOLE, PSA, LTO, 14th IB, PA, Bontoc MPS at mga opisyal ng barangay at residente ng Barangay Hilaan at Hitawos, Bontoc, Southern Leyte.
Ang PNP ay laging handang maglingkod at magbigay serbisyo sa mamamayan.
