Culaba, Biliran – Arestado ng mga tauhan ng Biliran Police Provincial Office ang isang Top 3 Most Wanted Person (Municipal Level) sa kasong paglabag sa RA 7610 sa Brgy. Poblacion, Culaba, Biliran noong Martes, Agosto 30, 2022.
Kinilala ni Police Colonel Dionisio DC Apas Jr, Acting Provincial Director ng Biliran PPO, ang akusado na si alyas “Arjon”, 32, binata at residente ng Brgy. Poblacion, Culaba, Biliran.
Ayon kay PCol Apas, naaresto ang akusado sa bisa ng Warrant of Arrest ng pinagsanib na pwersa ng Culaba Municipal Police Station (Lead Unit), Regional Intelligence Unit 8 Provincial Intelligence Team Biliran at 3rd Maneuver Platoon, Biliran Provincial Mobile Force Company.
Ang nahuling suspek ay may kasong paglabag sa Sec. 10 (a) ng RA 7610 (Special Protection of Children Against Abuse, Exploitation and Discrimination Act) na may inirekomendang bail bond na Php80,000.
Pinapurihan ni PCol Apas ang mga operating troops para sa pagkakahuli sa akusado at sa kanilang walang tigil na pagsisikap na ilagay sa rehas ang mga wanted person upang tuluyang mapuksa ang lahat ng uri ng kriminalidad para sa isang mas mapayapang lalawigan.
Panulat ni Patrolwoman Rialyn B Valdez
