Leganes, Iloilo – Tinatayang Php544,000 halaga ng shabu ang nasabat ng PNP sa ikinasang buy-bust Operation sa Brgy. Lapayon, Leganes, Iloilo nito lamang ika-30 ng Agosto 2022.
Kinilala ni Police Colonel Adrian V Acollador, Provincial Director ng Iloilo Police Provincial Office, ang naarestong suspek na si Jeffrey Gustilo y Pudadera, High Value Individual, 33 at residente ng Brgy. Poblacion, Leganes, Iloilo.
Ayon kay PCol Acollador, naaresto ang suspek ng pinagsanib pwersa ng mga operatiba ng Iloilo Police Provincial Office at Provincial Drug Enforcement Unit.
Nakumpiska sa suspek ang Php7,500 boodle money kasama ng buy-bust money, anim na pirasong heat-sealed plastic sachet na naglalaman ng hinihinalang shabu na may timbang na 80 grams at nagkakahaga ng Php544,000 at iba pang kagamitan.
Nahaharap ang suspek sa kasong paglabag sa Republic Act 9165 o ang Comprehensive Dangerous Drugs Act of 2002.
Ang Iloilo PNP ay patuloy na paiigtingin ang kampanya laban sa ilegal na droga at iba pang krimen upang mapanatiling ligtas, tahimik at maayos ang komunidad.
