Puerto Galera, Oriental Mindoro – Timbog ang isang Top 8 Most Wanted Person ng MIMAROPA sa isinagawang operasyon ng Puerto Galera Municipal Police Station sa Sitio Hulo, Barangay Tabinay, Puerto Galera, Oriental Mindoro noong Agosto 30, 2022.
Kinilala ni Police Captain Kim Badillo, Officer-In-Charge ng Puerto Galera MPS, ang suspek na si Lauro Mago Berenia, 50, residente ng Sitio Hulo, Barangay Tabinay, Puerto Galera, Oriental Mindoro.
Ayon kay PCpt Badillo, naaresto ang suspek sa isinagawang operasyon ng pinagsanib na puwersa ng mga tauhan ng Puerto Galera MPS, 1st Provincial Mobile Force Company ng Oriental Mindoro PPO at Regional Intelligence Division.
Ayon pa kay PCpt Badillo, naaresto ang suspek sa bisa ng Warrant of Arrest sa kasong 6 counts ng Qualified Rape in Relation to Republic Act 7610 (Special Protection of Children Against Abuse, Exploitation and Discrimination Act) at 2 counts ng Rape by Sexual Assault in relation to Republic Act 7610.
Ang Pambansang Pulisya ay hindi titigil sa kampanya laban sa pagsugpo sa mga wanted person, kriminalidad, droga at terorismo para sa kaligtasan ng mamamayan at ng bansa.
Source: Puerto Galera MPS
Panulat ni Patrolman Erwin Calaus
