Vinzons, Camarines Norte – Arestado ang isang construction worker na may kasong Rape ng Vinzons PNP sa Purok 4, Barangay Calangcawan Sur, Vinzons, Camarines Norte nitong Martes, Agosto 30, 2022.
Kinilala ni Police Major Arkhemedes Garcia, Chief of Police ng Vinzons Municipal Police Station, ang akusado na si alyas “Gerry”, 63, construction worker at residente ng nasabing lugar.
Ayon kay PMaj Garcia, naaresto si alyas “Gerry” sa bisa ng Warrant of Arrest para sa kasong paglabag sa RA 8353 in relation to RA 7610 na wala namang rekomendadong piyansa.
Ayon pa kay PMaj Garcia, nadakip ang akusado ng pinagsanib na pwersa ng mga tauhan ng Vinzons Municipal Police Station, CIDG Camarines Norte Provincial Field Unit, Camarines Norte 1st PMFC, 2nd PMFC at Camarines Norte Provincial Intelligence Unit.
Ang operasyon ng Pambansang Pulisya ay naging matagumpay dahil sa patuloy na pakikipagtulungan at kooperasyon ng bawat isa upang mahuli ang mga taong may pananagutan sa batas.
Source: Vinzons MPS
Panulat ni Pat Jomar Danao
