Tacloban City – Arestado ng mga tauhan ng Tacloban City Maritime Police Station ang isang lalaki sa pagbebenta ng mga ilegal na nahuling isda sa ilalim ng batas na RA 10654 ng Philippine Fisheries Code sa Brgy.
San Miguel, Dulag, Leyte nito lamang Martes, Agosto 30, 2022. Kinilala ang naaresto na si Piamonte Magnwa Roberto, nasa tamang edad at residente ng Dulag, Leyte.
Ayon kay Police Lieutenant Ibnohasan R Amilasan Jr, Officer-In-Charge ng Tacloban City MARPSTA, bandang 7:45 ng umaga naaresto si Roberto sa bisa ng Warrant of Arrest ng Tacloban City MARPSTA kasama ang Dulag Municipal Police Station sa ilalim ng pangangasiwa ng Police Lieutenant Steve Jhon M Abasolo, Officer-In-Charge.
Nahaharap ang naaresto sa paglabag sa Sec 126 o ‘’Possessing, Dealing in or Disposing Illegal Caught or Take Fish’’ ng RA 10654 ng Philippine Fisheries Code na may piyansang Php12,000 para sa kanyang pansamantalang kalayaan.
Patuloy naman ang Tacloban City MARPSTA sa kanilang mandato na ipatupad ang kanilang tungkulin at panagutin ang mga taong lumabag at may pananagutan sa batas.
