Zamboanga City – Nasabat ang tinatayang Php4,970,000 na halaga ng assorted smuggled cigarettes ng Zamboanga City PNP sa Manalipa Island, Zamboanga City nito lamang Agosto 28, 2022.
Kinilala ni Police Brigadier General Neil Alinsangan, Acting Regional Director ng Police Regional Office 9, ang mga naarestong suspek na sina Baser M. Polding, 38, may asawa; Arip B. Pawaki, 42; Lipae A. Hasbi, 29; Adi A. Atag, 26; at Angga D. Palahuddin, 28, mga pawang residente ng Brgy. Maluso, Basilan.
Ayon kay PBGen Alinsangan, bandang 5:30 ng hapon nang nahuli ang mga suspek sa naturang lugar ng mga pinagsanib na puwersa ng 2nd Zamboanga City Mobile Force Company “Seaborne” at Bureau of Customs.
Nasabat sa mga suspek ang 142 kahon ng assorted smuggled na cigarettes na may laman na 38 cases ng Royal at 104 cases ng Delta Black na tinatayang nagkakahalaga ng Php4,970,000 at lulan ng sasakyang pantubig na gawa sa kahoy na kilala bilang “Jungkong” na may markang “GT-MUSTANG 1”. Nahaharap ang mga suspek sa kasong paglabag sa Sec. 1401 (Unlawful Importation or Exportation) ng RA 10863 na kilala rin bilang Customs Modernization and Tariff Act (CMTA).
Ang Pambansang Pulisya ay nagpapaalala sa mamamayan na huwag gumawa ng ano mang ilegal na gawain o aktibidad upang hindi humantong sa pagkakakulong.
Panulat ni Patrolman John Ronald Tumonong/RPCADU 9
