Camp BGen Simeon A. Ola, Legaspi City – Ipinagdiwang ng Police Regional Office 5 ang ika-121st Police Service Anniversary na may temang “Matibay na Ugnayan ng Pulisya at Mamamayan, Tungo sa Pagkakaisa, Kapayapaan at Kaunlaran” na ginanap sa PRO5 Grandstand ng Camp BGen Simeon A. Ola nito lamang Lunes, Agosto 29, 2022.
Pinangunahan ni Police Brigadier General Rudolph B. Dimas, Regional Director ng PRO5 ang nabanggit na programa at naging panauhing pandangal at tagapagsalita si Hon. Noel E. Rosal, Gobernador ng Probinsya ng Albay.
Isa sa mga mahahalagang bahagi ng programa ay ang pagbibigay ng parangal at pagkilala sa mga katangitanging gawa sa administrative at operational accomplishment ng mga kapulisan ng PRO5 na nakapagbigay ng mga epektibong paraan upang maging matibay ang ugnayan ng pulisya at komunidad.
Ginawaran ng parangal sa kategorya ng individual awards si Police Colonel Jesus Rebua bilang Best Senior PCO for Administration; Police Colonel Arturo P. Brual Jr., bilang Best Senior PCO for Operation; Police Lieutenant Colonel Christian Jesus S. Huelva bilang Best Junior PCO for Administration; Police Major Marmay O. Fartingca bilang Best Junior PCO for Operation; Police Chief Master Sergeant Chriselda G. Carpio bilang Best Senior PNCO for Operation; Patrolwoman Myra S. Cenon bilang Best Junior PNCO for Operation; NUP Mary Ann Frances B. Piloneo bilang Best NUP Personnel for Non- Supervisory Level.
Binigyan din ng parangal sa katergorya ng unit awards ang Camarines Norte Police Provincial Office bilang Best Police Provincial Office; Masbate 1st Provincial Mobile Force Company bilang Best Provincial Mobile Force Company; Iriga City Police Station bilang Best City Station; Bulan Municipal Police Station bilang Best Municipal Police Station; Regional Medical and Dental Unit 5 bilang Best Regional Administrative Support Unit; Regional Forensic Unit 5 bilang Best Regional Operations Support Unit; 5th Regional Mobile Force Battalion bilang Best Regional Mobile Force Battalion; Naga City Police Office bilang Best City Police Office at Naga City Mobile Force Company bilang Best City Mobile Force Company.
Samantala, binigyan din ng Special Awards to COVID-19 PNP Frontliner si Police Lieutenant Colonel Rogelyn C. Peratero, Chief, PCAD ng Camarines Norte PPO at si Police Corporal Denzil Vince A. Bermejo, Assistant PCR PNCO ng Naga CMFC.
Ang PRO5 ay buong husay na gagampanan ang sinumpaang tungkulin na maglilingkod sa bayan at mamamayan tungo sa katahimikan at pag-unlad ng Rehiyon 5.
Source: KASUROG Bicol
Panulat ni Pat Rodel Grecia
