Davao Oriental – Arestado ang isang lalaki sa patuloy na isinasagawang Manhunt Charlie operation ng mga tauhan ng PNP sa Brgy. Libudon, Mati City, Davao Oriental, noong Agosto 30, 2022.
Kinilala ni PLtCol Ernesto Gregore, Chief of Police ng Mati City Police Station, ang suspek na si alyas “Julito”, 47, residente ng nasabing lugar na tinaguriang Top 5 Most Wanted Person sa municipal level.
Ayon kay PLtCol Gregore, naaresto ang suspek sa bisa ng Warrant of Arrest sa kasong Rape in relation to R.A. 7610 na walang piyansang inirekomenda.
Dagdag pa ni PLtCol Gregore, naaresto ang suspek ng pinagsamang tauhan ng Mati CPS at Tampilisan MPS kasama ang 1103rd Maneuver Company Regional Mobile Force Battalion 11 at 2nd Davao Oriental Provincial Mobile Force Company.
Ang pagkakadakip sa suspek ay bunga ng magandang ugnayan at pagtutulungan ng PNP at mamamayan na hulihin ang mga Most Wanted Person sa rehiyon onse sa pamumuno ni PBGen Benjamin Silo Jr., PRO11 Regional Director.
Panulat ni Patrolman Alfred Vergara
