Leyte – Sinaklolohan ng mga tauhan ng Tabango Municipal Police Station ang isang bagong silang na sanggol na natagpuan sa harap ng Tabango Parish Church, Tabango, Leyte noong Sabado, Agosto 27, 2022.
Ayon kay Police Major Ricky R Rubillos, Chief of Police ng Tabango MPS, bandang 4:30 ng umaga nang personal na nagtungo ang isang concerned citizen sa tanggapan ng Tabango MPS at inireport na may isang sanggol na umiiyak sa harap ng nasabing simbahan.
Agad naman itong sinaklolohan ni Police Corporal Benidick O Calos, duty driver at Police Corporal Geraldine B. Padoga, duty WCPD PNCO.
Pagdating doon, nadatnan ni PCpl Padoga ang isang bagong silang na sanggol na babae na nakabalot lamang ng kulay asul na bath towel at agad niya itong kinarga at dali dali nila itong dinala sa Tabango Community Hospital upang mabigyan ng atensyong medikal.
Ang sanggol ay nai-turn-over na sa MSWDO para sa tamang pangangalaga at disposisyon sa bata.
Isa lamang ito sa patunay na ang PNP ay walang pinipiling oras sa pagtulong at pagseserbisyo sa publiko at handang maglingkod sa lahat ng bagay. Tunay nga na ang PNP ay kakampi mo.
###
Panulat ni Patrolwoman Rialyn B Valdez
