Lapu-lapu City – Masugid na nakiisa sa isinagawang Tree Planting Activity ang mga kawani ng Lapu-lapu City Police Office sa San Vicente Olango Island, Lapu-lapu City nito lamang Sabado, ika-27 ng Agosto 2022.
Ang aktibidad ay pinangunahan ng Mactan Sidlakan Ecozones Eagles Club na siyang nilahukan ng mga tauhan ng Lapu-lapu City Police Office sa pangangasiwa ni Police Major Ramil Quiles Dugan, Station Commander, katuwang ang Barangay Council ng nasabing barangay.
Ang naturang aktibidad ay malaking tulong sa ecosystem at climate change ng bansa at alinsunod na rin sa PNP Core Values na “Makakalikasan.”
Ang Lapu-lapu City PNP ay patuloy na makikilahok sa mga aktibidad na may kaugnayan sa pangangalaga ng ating kalikasan upang mabigyan ng sapat na kamalayan ang ating mga kababayan sa kahalagahan ng pagtatanim ng mga punongkahoy at pagmamalasakit sa kapaligiran.
###
Panulat ni Patrolwoman Jenilyn C Consul
