Lazi, Siquijor – Masayang inihandog ng Lazi PNP ang Community Outreach Program sa mga batang residente ng Barangay Capalasanan, Lazi, Siquijor nito lamang ika-27 ng Agosto 2022.
Ang programa ay aktibong pinangunahan ng mga tauhan ng Lazi Police Station sa direktang pangangasiwa ni Police Lieutenant Roverto Suan Anulacion, Acting Chief of Police, katuwang ang KKDAT, Faith-Based Advocacy Support Group at Lazi Youth Volunteers.
Malawak at matamis na ngiti naman ang naging sukli ng mga bata na nakatanggap ng libreng pagkain sa naturang mga grupo.
Labis naman ang galak ng mga personalidad na nakiisa sapagkat mababakas sa mukha ng mga bata ang labis na saya mula sa kanilang munting handog.
Ang Lazi PNP ay patuloy sa paghahatid ng serbisyong tapat at may malasakit sa mga residenteng kanilang lubos na minamahal at pinangangalagaan.
###
