Enrique Villanueva, Siquijor – Muli na namang inihandog ng Siquijor PNP ang “Ilaw Mo, Sagot Ko” Program sa isang residente ng Brgy. Tulapos, Enrique Villanueva, Siquijor nito lamang Agosto 26, 2022.
Ang programa ay inihandog ng mga tauhan ng Enrique Villanueva Municipal Police Station sa direktang pamumuno ni Police Lieutenant Lloyd Michael L Calunod, Acting Chief of Police.
Labis ang galak at pasasalamat ni Tatay Eduard Gulahab, 54, residente ng nasabing barangay bilang benepisyaryo, saad pa ni Tatay Gulahab, malaking tulong ang ipinagkaloob na solar light sa kanya ng mga kapulisan.
Ang isinagawang aktibidad ng Siquijor PNP ay may layuning mabigyan ng libreng solar light ang mga kapus-palad nating mga kapatid na hindi kayang magkaroon ng kuryente sa kanilang mga kabahayan.
Sinisiguro naman ng Pambansang Pulisya na patuloy nilang gagawin lahat ng kanilang makakaya upang maibigay ang lahat ng serbisyong nararapat para sa ating mga kababayan.
###
Panulat ni Patrolwoman Kyla Hannah Evangelista
