Hilongos, Leyte – Nakumpiska ng CIDG Northern Leyte Provincial Field Unit-Eastern Visayas ang ilang mga baril at bala sa Brgy. Matapay, Hilongos, Leyte nito lamang Biyernes, Agosto 26, 2022.
Kinilala ni Police Colonel Zacarias Villegas, Regional Chief ng CIDG, ang naarestong suspek na si Edser Repulledo Dagohoy, residente ng Brgy. Matapay, Hilongos, Leyte.
Ayon kay PCol Villegas, bandang 9:00 ng umaga naaresto ang suspek sa naturang barangay sa ipinatupad na Search Warrant ng mga operatiba ng CIDG Northern Leyte Provincial Field Unit-Eastern Visayas.
Ang naturang suspek ay inireklamo ng isang concerned citizen na tumestigo na may iba’t ibang uri ng baril.
Nakumpiska sa suspek ang isang unit na Improvised M16 Rifle (singleshot), apat na round ng live ammunition para sa M16 Rifle, isang unit cal. 38 revolver (replica), at walong piraso ng empty shell para sa cal. 38 revolver.
Nahaharap ang suspek sa kasong paglabag sa RA 10591 o Comprehensive Firearms and Ammunition Regulation Act.
Alinsunod sa programa ng PNP laban sa loose firearms, pipigilan ng CIDG ang paglaganap ng mga ilegal na baril sa rehiyon 8.
Hinihikayat ni Police Brigadier General Ronald O Lee, Director, CIDG ang publiko na patuloy na suportahan ang PNP sa patuloy na pagsusumikap sa paglaban sa kriminalidad.
###
