Tanauan City, Batangas – Nagsagawa ng Ground Breaking Ceremony ng “Project Silong Home for the Homeless” kaugnay sa “Project YAKAP” ang CALABARZON PNP sa Brgy. Ambulong, Tanauan City, Batangas bandang 9:00 ng umaga nitong Agosto 28, 2022.
Ang aktibidad ay pinangunahan ng mga tauhan ng Regional Police Community Affairs and Development Unit 4A sa pamumuno ni PLtCol Owen L Banaag, Officer-In-Charge, katuwang ang mga tauhan ng Regional Mobile Force Battalion 4A sa pangangasiwa ni PCol Ledon D Monte, Force Commander, 1st Batangas Provincial Mobile Force Company, Tanauan City Police Station, Regional Community Affairs and Development Division 4A, at Rotary Club of Makati Legaspi.
Ang naging benepisyaryo ng pabahay ay si Cristito Dimayuga alyas “Ka Resting”, Presidente ng SAMMA Taal (Samahan ng Maliliit na Mangingisda sa Lawa ng Taal) sa Sitio Camantigue, Brgy. Tumaway, Talisay, Batangas.
Bukod dito, nakatanggap din ang pamilya ni Ka Resting ng mga food packs na naglalaman ng 5 kilong bigas, isang school bag, isang notebook, at mga bitamina.
Layunin nitong tulungan ang mga taong hirap sa buhay lalo na nitong panahon ng pandemya at panatilihin ang ugnayan ng PNP at komunidad para sa mas tahimik, ligtas at maayos na buhay.
###
Panulat ni Police Staff Sergeant Donabel Dulin
