Antipolo City, Rizal – Tinatayang Php509,600 na halaga ng shabu ang nasabat sa apat na suspek sa magkakahiwalay na buy-bust operation ng Antipolo City PNP nito lamang Agosto 26, 2022.
Ayon kay Police Colonel Dominic Baccay, Provincial Director, Rizal Police Provincial Office, nagkasa ng buy-busy operation ang mga operatiba ng City Drugs Enforcement Team, Antipolo City Police Station sa pamumuno ni PLtCol June Paolo O Abrazado, Chief, sa apat na magkakahiwalay na lugar sa syudad ng Antipolo.
Ayon pa kay PCol Baccay, bandang alas sais ng gabi naaresto si @Ritchel sa kanyang lugar sa kahabaan ng Don Enrique Heights, Brgy. San Roque, Antipolo City at nasabat sa kanya ang tinatayang 50 gramo ng hinihinalang shabu na nagkakahalaga ng Php340,000 at isang .38 kalibre ng baril at limang bala nito.
Nasabat naman kay Tol, residente ng Phase 2, Blk 123, Brgy. San Isidro, Antipolo City bandang ala siyete ng gabi ang humigit kumulang 2 gramo na hinihinalang shabu na may halaga na Php13,600.
Bandang alas nuebe ng gabi sa Marigman St., Brgy. San Roque, Antipolo City naman naaresto si Gary at nakumpiska ang tinatayang 20 gramo ng hinihinalang shabu na nagkakahalaga ng Php136,000.
Arestado naman si RC na naninirahan sa San Luis, Antipolo City bandang alas onse ng gabi sa kahabaan ng NHA Ave corner Steel Homes Epheta, Brgy. San Isidro, Antipolo City at nakumpiska ang hinihanalang shabu na may timbang na humigit kumulang 3 gramo at nagkakahalaga ng halos Php20,000 at isang kalibre .38 at dalawang bala.
Nahaharap ang mga suspek sa kasong paglabag sa Sections 5 at 11, Article ll ng Republic Act 9165 o Comprehensive Dangerous Drugs Act of 2002.
Ang PNP ay patuloy na paiigtingin ang kampanya laban sa ilegal na droga at iba pang krimen upang mapanatiling ligtas, tahimik at maayos ang komunidad.
Source: Rizal Ppo Pio
###
