Porac, Pampanga – Nagsagawa ng Community Outreach Program at Brigada Eskwela ang mga kapulisan ng Southern Police District sa Katutubo Village Elementary School, Planas, Porac, Pampanga bandang 9:30 ng umaga nito lamang Biyernes, Agosto 26, 2022.
Ito ay alinsunod sa direktiba na magsagawa ng tuloy-tuloy na community outreach program at iba pang police community relations activities.
Ang naturang aktibidad ay sa pamumuno ni Police Colonel Kirby John Kraft, Acting District Director sa pamamagitan ng District Community Affairs and Development Division at mga tauhan ng DMFB at RPCADU-NCR ng PCADG.
Lumahok din sa aktibidad ang mga miyembro ng Gotuaco Del Rosario Insurance Brokers, Inc., sa pamumuno ni Ms. Rona Sarceno, Chairman, Corporate Social Responsibility.
Sa nasabing aktibidad, nag-donate ang grupo ng 1 box na school supplies mula sa Pateros Eagles Club at Rotary Club of Makati, Century Advisory Council, PNP- SPD Forensic Science Group; 60 set ng transparent plastic envelop na may 1 school supplies (papel/notebook, pambura at lapis) mula sa DCADD, SPD.
Nagdonate din ang Gotuaco Del Rosario Insurance Brokers, Inc ng 10 kahon na personal hygiene materials at school supplies para sa Grade 1-6 pupils. Ito ay 10 boxes na personal hygiene materials at school supplies para sa Grade 1-6 pupils, 10 boxes na personal hygiene materials, school at office supplies para sa School Faculty and Teachers, at 2 kahon ng sari-saring suplay ng pagkain para sa mga mag-aaral.
Nasa 228 na mga mag-aaral sa elementarya ang naging benepisyaryo ng programa.
Sina Ginang Sharleen Faye M. Duque, School Principal; Ms. Rona Sarceno, Chairman, CSR, GDRIB, Inc.; at Hon. Alfer B. Nacu, Brgy. Kaptain naman ay nagpaabot ng kanilang taos-pusong pasasalamat sa Southern Police District at Gotuaco Del Rosario Insurance Brokers, Inc. sa kanilang walang sawang suporta, tulong at serbisyo sa kanilang paaralan at sa barangay ng Planas, Porac, Pampanga.
Layunin ng SPD na makapagbigay ng libreng serbisyo publiko upang kahit saan mang dako ng bansa ay makapag-abot sila ng tulong sa mga nangangailangan. Ito ay isa din sa mga katunayan na hindi masasayang ang lahat ng mga donasyong ibinibigay mula sa ating mga mabubuting stakeholders.
Source: Dcadd SPD
###
Panulat ni PSSg Remelin M Gargantos
