Languyan, Tawi-Tawi – Naaresto ng mga tauhan ng PNP ang Top 10 Most Wanted Person ng Tawi-Tawi sa isinagawang operasyon sa Languyan, Tawi-Tawi noong ika-26 ng Agosto 2022.
Ang nasabing operasyon ay pinangunahan ng 51st Special Action Company ng Special Action Force sa pangunguna ni Police Lieutenant Lloyd Engo katuwang ang Tawi-Tawi Provincial Mobile Force Company, 1st Special Operations Unit-Maritime Group, Provincial Intelligence Unit – Tawi-Tawi PPO, Bongao Municipal Police Station, Languyan MPS, Anti-Kidnapping Group-Mindanao Field Unit at National Intelligence Coordinating Agency-9.
Kinilala ni PLt Engo, ang naarestong suspek na si Omad Amil na naaresto dahil sa bisa ng Warrant of Arrest dahil sa kasong Murder at Frustrated Murder.
Dagdag pa, narekober mula sa suspek ang dalawang M14 Rifle, 14 na magazine, tatlong clip ng Cal. 30, iba’t ibang klase ng bala at dalawang bandolier.
Ang naarestong suspek ay kasalukuyang nasa kustodiya ng Bongao MPS para sa dokumentasyon at tamang disposisyon.
Samantala, ang PNP ay patuloy na magsasagawa ng operasyon laban sa mga wanted person upang mabigyan ng hustiya ang mga naging biktima at upang mapanatili ang kapayapaan sa ating bansa.
###
Panulat ni Patroman Charlie Nasroden Corpuz
