Trece Martires City, Cavite – Arestado ang isang lalaki sa kasong paglabag sa RA 7610 (3 Counts) sa ikinasang manhunt operation ng Trece Martires City PNP sa Brgy. De Fuego, General Trias, Cavite nito lamang Huwebes, Agosto 25, 2022.
Kinilala ni Police Lieutenant Colonel Jonathan Asnan, Officer-In-Charge ng Trece Martires City Police Station, ang suspek na si Vernardo Alias y Solis, 32, factory worker, residente ng Block 46, Lot 25, La Trinidad Subdivision, Brgy. Cabuco, Trece Martires City, Cavite.
Ayon kay PLtCol Asnan, bandang 6:50 ng gabi naaresto ang suspek sa naturang barangay ng mga operatiba ng Trece Martires CPS sa bisa ng Warrant of Arrest sa kasong paglabag sa RA 7610 o Special Protection of Children Against Abuse, Exploitation and Discrimination Act (3 Counts) na inamendahan ng RA 11648 o Special Protection of Children Law na may inirekomendang piyansa na Php200,000.
Ang Trece Martires PNP ay hindi titigil sa pagtugis sa mga wanted person upang mapanatili ang kaligtasan, kaayusan at kapayapaan ng mga mamamayan sa kanilang nasasakupan.
Source: Trece Martires City Police Station-PIO
###
Panulat ni Police Executive Master Sergeant Joe Peter Cabugon
