Lucena City – Arestado ang Top 2 Most Wanted Person (City Level) ng Lucena City PNP sa kasong paglabag sa RA 7610 o Special Protection of Children against Abuse, Exploitation and Discrimination Act sa Purok Mutya, Brgy. Cotta, Lucena City nito lamang Agosto 24, 2022.
Kinilala ni Police Lieutenant Colonel Reynaldo Reyes, Hepe ng Lucena City Police Station, ang suspek na si alyas “Nico”, 19, walang asawa, residente ng Purok Mutya, Brgy. Cotta, Lucena City.
Naaresto ang suspek sa nabanggit na barangay ng mga tauhan ng Lucena City Police Station sa bisa ng Warrant of Arrest sa kasong paglabag sa RA 7610 o Special Protection of Children against Abuse, Exploitation and Discrimination Act na may inirekomendang piyansa na Php200,000.
Ang pagkakaaresto ng suspek ay isa na namang patunay na ang hanay ng PNP ay patuloy na mas pinapaigting ang kampanya laban sa kriminalidad para maging ligtas at tahimik ang komunidad.
Source: Lucena City Police Station
###
Panulat ni Police Staff Sergeant Donabel Dulin
