Bulan, Sorsogon – Personal na dumalo si PBGen Rudolph B Dimas, Regional Director ng Police Regional Office 5, sa Launching at Groundbreaking ng FY 2022 Support to Barangay Development Program na ginanap sa Freedom Park, Bulan, Sorsogon nitong Miyerkules, Agosto 24, 2022.
Nasa 35 barangay sa bayan ng Bulan ang makikinabang sa mga proyekto ng SBDP ngayong taon. Napapabilang sa proyekto ang pagtatayo ng Health Station sa San Francisco, Bulan, Sorsogon na may alokasyon na Php4M at ang pagpakongkreto ng Farm-to-Market Road na may alokasyon na Php2M sa Barangay Lajong, Bulan, Sorsogon.
Sa isang mensahe ni PBGen Dimas ay binigyang-diin niya ang matatag na pangako ng organisasyon sa pagganap ng tungkulin nito bilang aktibong katuwang ng pamahalaan sa pagdadala ng pangmatagalang pagbabago sa buhay ng mga Bikolano.
“We believe that in working together, we will be able to hurdle even the most difficult challenges. Makakaasa po kayo na kami kasabay ng lokal na pamahalaan at ng iba pang ahensya ng pamahalaan ay laging nakahandang umantabay at umalalay sa inyo sa pagsasakatuparan ng inyong mga pangarap para sa inyong mga sarili at sa inyong mga mahal sa buhay”, pahayag pa ni RD PBGen Dimas.
###
