Candon City, Ilocos Sur – Arestado ng Police Regional Office 1 ang isang Most Wanted Person sa kasong 3 Counts ng Child Abuse sa Barangay Calao-an, Candon City, Ilocos Sur nito lamang Huwebes, Agosto 25, 2022.
Kinilala ni Police Lieutenant Colonel Randy R Arellano, Officer-In-Charge ng Candon City Police Station, ang suspek na si Christopher Go y Regala, 35, residente ng Barangay San Pedro, Candon City, Ilocos Sur.
Ayon kay PLtCol Arellano, nahuli ang suspek bandang 11:50 ng umaga ng mga operatiba ng Candon City Police Station at Ilocos Sur Provincial Intelligence Unit.
Ayon pa kay PLtCol Arellano, naaresto ang suspek sa bisa ng Warrant of Arrest sa kasong 3 Counts of Special Protection of Children against Child Abuse, Exploitation and Discrimination Act o Anti-Child Abuse Law ng RA 7610 na may piyansang Php240,000 bawat isa.
Ang Candon City PNP ay patuloy sa pagpapaigting sa kampanya laban sa mga taong nagkasala at panagutin ang mga ito sa kanilang kasalanang ginawa at mabigyan ng katarungan ang mga naging biktima nito.
Sources: Candon City Police Station
###
Panulat ni PSSg Carmela G Danguecan/RPCADU1
