Payatas, Quezon City — Timbog ang isang lalaking tumakas sa checkpoint kung saan nakumpiska sa kanya ang tinatayang Php204,000 halaga ng shabu nitong Miyerkules, Agosto 24, 2022.
Kinilala ni Quezon City Police District Director, PBGen Nicolas Torre III, ang suspek na si Kristian Mark Cajala, 38, at residente ng Brgy. San Isidro, Montalban, Rizal.
Ayon kay PBGen Torre lll, dakong alas-9:00 ng gabi naaresto si Cajala sa checkpoint ng Payatas Bagong Silangan Police Station (PS 13) kung saan sya’y ay naka-asul na motorsiklo.
Dito na nakumpiska sa suspek ang walong heat-sealed transparent plastic sachet na naglalaman ng hinihinalang shabu na nagkakahalaga ng Php204,000, isang itim na bag, isang cellular phone, Php200 at asul na motorsiklo na may plate number na 13-80-00001222377.
Paglabag sa R.A. 9165 o ang Comprehensive Dangerous Drugs Act of 2002 ang kakaharapin ng suspek.
Pinuri naman ni PBGen Torre III ang PS 13 commander at kanyang mga tauhan sa kanilang pagiging alerto na nagresulta sa pagkakaaresto sa suspek aniya, “Ang pag-aresto sa drug suspect at ang pag-agaw ng mga piraso ng ebidensya ay nagpapakita na 24/7 ang aming hanay sa pagbabantay sa aming area of responsibility tungo sa isang payapa at drug-free na lungsod.”
Source: PIO QCPD SMART
###
Panulat ni PSSg Remelin M Gargantos
