Naga City, Bicol Region – Tinatayang Php1 milyong halaga ng shabu ang nakumpiska sa dalawang lalaki sa buy-bust operation ng Naga City PNP sa Barangay San Felipe, Naga City nitong Huwebes, Agosto 25, 2022.
Kinilala ni Police Colonel Nelson Pacalso, City Director ng Naga City Police Office, ang mga suspek na sina Rodel Palmiano y Saripe, 47 at Charlie Sandigan y Esplana, 40, parehong mga sumuko sa Oplan Tokhang ng PNP noong 2016.
Ayon kay PCol Pacalso, tumitimbang ng 150 gramo at nagkakahalaga ng Php1,020,000 ng hinihinalang shabu ang nakulimbat sa mga suspek.
Ang mga suspek ay nahaharap sa kasong paglabag sa RA 9165 o Comprehensive Dangerous Drugs Act of 2002.
Ang Pambansang Pulisya ay patuloy ang walang patid na pagsisikap upang linisin ang komunidad sa pagkakaroon ng ilegal na droga.
Source: Naga City Police Office
###
Panulat ni Patrolman Jomar Danao
