Sogod, Cebu – Umarangkada ang isinagawang Mobile Community Pantry (Outreach/Barangayanihan program) ng mga tauhan ng Sogod PNP sa Barangay Poblacion, Sogod, Cebu nito lamang Miyerkules, ika-24 ng Agosto 2022.
Ang aktibidad ay pinangunahan ng mga tauhan ng Sogod Police Station sa direktang pangangasiwa ni Police Lieutenant Phil Castro Restauro, Chief of Police ng naturang istasyon at sa pakikipagtulungan ng Rise and Rebuild International Foundation.
Ipinamahagi ang mga foodpacks na may mga laman na iba’t ibang klaseng gulay sa pamamagitan ng pag-iikot sa mga kabahayan ng kanilang mga nasasakupan.
Lubos ang tuwa at pasasalamat ng mga residente sa munting biyaya mula sa naturang istasyon.
Layunin ng aktibidad na tulungan ang mga mahihirap na pamilya at hikayatin ang komunidad at mga stakeholders na makibahagi sa programa ng Pambansang Pulisya at patuloy na suportahan ang mga ganitong uri ng program upang mas mapagtibay pa ang ugnayang pulisya at komunidad.
Ito rin ay isa sa mga paraan at hakbangin ng Sogod PNP upang ipakita ang pagmamahal, malasakit at pagkabukas-palad sa kanilang mga nasasakupan.
###
Panulat ni Patrolman Aivan Guisadio
