Camp Bagong Diwa, Taguig City — Inilunsad ni Acting Chief ng National Capital Regional Police Office, PBGen Jonnel Estomo, ang S.A.F.E NCRPO Program at Send-off of Troops sa Grandstand, Camp Bagong Diwa, Bicutan, Taguig City nito lamang Huwebes, Agosto 25, 2022.
Ang S.A.F.E NCRPO ay nangangahuluhan na Seen, Appreciated, Felt Police Officers thru Extra Ordinary Deeds.
Nakiisa rin ang lahat ng Chief ng bawat Distrito ng NCRPO sa naturang programa.
Ang mga tauhan naman mula sa Tactical Motorcycle Riding Units at Mobile Patrol ay itinalaga upang magpatrolya sa lahat ng lansangan sa Metro Manila lalo na sa gabi.
Layunin nito na magtalaga ng karagdagang puwersa ng kapulisan sa Metro Manila 24 Oras upang masiguro ang kaligtasan ng mamamayan at mapanatili ang kaayusan at kapayapaan ng bawat komunidad partikular na ang seguridad ng mga estudyante ngayong face to face classes na sa mga paaralan.
Source: PIO NCRPO
###
Panulat ni PSSg Remelin Gargantos
