Mandaluyong City — Nagsagawa ng Community Outreach Program ang Mandaluyong City Police Station sa Brgy. Mabini J Rizal Covered Court, Mandaluyong City nito lamang Huwebes, Agosto 25, 2022.
Ang aktibidad ay inisyatiba ng mga tauhan ng Station Community Affairs and Development Section (SCADS) sa pangunguna ni PSMS Francis E Apostol, Chief Clerk, SCADS kasama ang Sub-Station 8 sa pamumuno naman ni Police Colonel Gauvin Mel Y Unos, Chief of Police ng Mandaluyong CPS.
Nasa 200 na residente ng lugar ang benepisyaryo ng programa kung saan nakatanggap sila ng libreng mainit na lugaw.
Samantala, nagkaroon din ng talakayan patungkol sa PROJECT VIBES, Anti-Criminality Prevention Tips, Anti-Kidnapping Tips, VAWC, Anti-Illegal Drugs, End Local Communist Armed Conflict (ELCAC) at health tips laban sa COVID- 19.
Sa pagtatapos ng naturang aktibidad, nadagdagan ang kaalaman ng mga kabataan at mga magulang upang maging alerto sa mga nangyayari sa kanilang paligid.
Source: Mandaluyong CPS
###
Panulat ni PSSg Remelin Gargantos
