Peñablanca, Cagayan – Pansamantalang ginawang Evacuation Center ang bahay ng isang pulis para sa mga kapitbahay na apektado ng bagyong Florita sa Barangay Sisim, Peñablanca, Cagayan nitong Agosto 23, 2022.
Kinilala ang may-ari ng bahay na si Police Corporal Margarita Mabborang na isang tauhan ng Peñablanca Police Station sa pangangasiwa ni Police Major Harold Ocfemia, Officer-In-Charge.
Pansamantalang pinatuloy ni PCpl Mabborang ang apat na pamilya na kapitbahay sa kanyang tirahan dahil pinasukan na umano ng tubig ang kanilang bahay dulot ng walang tigil na buhos ng ulan dulot ng bagyong “Florita”.
Bukod dito, binigyan din ni PCpl Mabborang ng mga damit ang mga apektadong residente at ng makakain lalo na ang mga bata para uminit ang mga sikmura na halatang nanginginig pa sa lamig dulot ng pagkabasa sa ulan.
Ang PNP ay handang tumulong sa mga nangangailangan sa oras ng sakuna at ipadama sa mga residente lalo na sa mga bata ang programa ng Pambansang Pulisya na “Malasakit + Kaayusan + Kapayapaan = Kaunlaran”.
###
