Cabiao, Nueva Ecija – Namahagi ng libreng school supplies ang Cabiao PNP sa Day Care Center ng Sitio Saint Joseph, Brgy. San Fernando Sur, Cabiao, Nueva Ecija nito lamang Martes, Agosto 23, 2022.
Ang aktibidad ay pinamunuan ni Police Major Gerald Fernandez, Acting Chief of Police ng Cabiao Municipal Police Station, kasama ang Regional Medical Health Unit 3, Barangay Officials at Lingkod Bayan Advocacy Support Group and Force Multipliers.
Tinatayang 50 na bata ang nahandugan ng libreng school supplies, pares ng tsinelas, facemask, biscuit, at candies.
Nagkaroon din ng feeding program para sa mga mag-aaral.
Ang naturang aktibidad ay naglalayon na paigtingin ang ugnayan ng PNP at ng komunidad na nakapaloob sa programa ng ating Pambansang Pulisya, ang Malasakit + Kaayusan + Kapayapaan = Kaunlaran.
Source: Cabiao Municipal Police Station
###
Panulat ni Police Corporal Jeselle Rivera
