San Mateo, Rizal – Nakiisa ang San Mateo PNP sa Flag Raising Ceremony ng San Mateo Elementary School sa Brgy. Sta. Ana, San Mateo, Rizal kaugnay sa pagbubukas ng face-to-face classes nito lamang Lunes, Agosto 22, 2022.
Pinangunahan ang aktibidad ni Police Lieutenant Joven Larga, Officer-In-Charge ng San Mateo MPS.
Nakiisa rin sa naturang aktibidad si Police Colonel Dominic Baccay, Provincial Director, Rizal Police Provincial Office, Ms. Priscilla Jose at Dr. Merele Lopez na kapwa Public School District Supervisors (PSDS).
Samantala, nagpasalamat naman si Ms. Cleta Saladero, Principal ng San Mateo Elementary School sa inisyatibo ng San Mateo MPS sa pagpapanatili ng kaayusan, seguridad at pagpapatupad ng standard minimum health protocols sa paaralan.
“Sa muli ninyong pagpasok sa paaralan, walang ibang nais ang inyong kapulisan kundi ang inyong kaligtasan. Sana ay lagi kayong mag-iingat at sumunod sa mga protocols na ipinapatupad ng ating mga awtoridad”, ani PCol Baccay.
Source: San Mateo Municipal Police Station
###
Panulat ni Police Exective Master Sergeant Joe Peter Cabugon
