Rosario, Batangas – Arestado ang Top 1 Most Wanted Person (Regional Level) at isa pang suspek sa kasong Murder sa isinagawang joint operation ng Criminal Investigation and Detection Group at Batangas PNP nitong Martes, Agosto 23, 2022.
Kinilala ni Police Brigadier General Jose Melencio C Nartatez Jr., Acting Regional Director ng Police Regional Office 4A, ang dalawang suspek na sina Eleazar Gupit Rocio alyas “Isat”, may asawa, negosyante, residente ng Brgy. Pangao, Ibaan, Batangas, lider ng Eleazar Rocio Gun-for-Hire Group at Leandro Reynoso Guerra alyas “Andy”, may, asawa, body guard, residente ng Brgy. Lapu-lapu, Ibaan, Batangas.
Ayon kay PBGen Nartatez Jr., bandang 4:00 ng hapon naaresto ang dalawang suspek sa Brgy. San Roque, Rosario, Batangas ng pinagsamang puwersa ng Provincial Intelligence Unit-Batangas Police Provincial Office, 1st Batangas Provincial Mobile Force Company-SWAT, CIDG4A Batangas, Naval Intelligence Security Group, Ibaan Municipal Police Station at Rosario Municipal Police Station sa bisa ng Warrant of Arrest sa kasong Murder na walang inirekomendang piyansa.
Nagtangkang tumakas ang dalawang suspek lulan ng color metallic brown Mitsubishi Montero na may Plate. No. ZMU 2301 at nagkaroon ng engkwentro sa may tubuan.
Isinugod si Rocio sa NL Villa Hospital dahil sa natamong sugat sa tiyan.
Samantala, narekober kay Rocio ang isang Glock 9mm pistol habang kay Guerra ay isang Cal. 45 pistol.
Pinuri ni RD, PRO 4A ang tagumpay ng Batangas PNP at hinimok na lalo pang paigtingin ang kampanya laban sa kriminalidad upang mapanatiling ligtas at maayos ang komunidad.
Source: Police Regional Office 4A
###
Panulat ni Police Staff Sergeant Donabel Dulin
