Rodriguez, Rizal – Nagsagawa ang Rizal PNP ng rescue operations sa ilang residente ng Phase 1K2 Kasiglahan Village, Brgy. San Jose, Rodriguez, Rizal nito lamang Martes, Agosto 23, 2022.
Ang operasyon ay pinangunahan ni Police Executive Master Sergeant Israel Bello, Compact 4 Commander sa ilalim ng pamumuno ni Police Lieutenant Colonel Marcelino Pipo Jr., Hepe ng Rodriguez Municipal Police Station kasama ang Municipal Disaster Risk Reduction and Management Office o MDRRMO-Montalban.
Inilikas ang mga residente dahil sa pagtaas ng water level sa lugar dulot ng bagyong Florita.
Bukod dito, nagtalaga rin ng Reactionary Standby Support Force (RSSF) at nagsagawa ng route security sa mga lugar na apektado sa pagbaha.
Hinikayat ng pulisya ang mga mamamayan na nasa immediate danger zone na maging mapagmatyag, mag-ingat at sumunod sa abiso ng mga otoridad na lumikas para sa kaligtasan ng bawat isa.
Source: Rodriguez Municipal Police Station
###
Panulat ni Police Staff Sergeant Donabel Dulin
