Capiz – Nakilahok sa National Voluntary Blood Donation Activity ang mga tauhan ng 2nd Capiz Provincial Mobile Force Company sa direktang pangangasiwa ni Police Lieutenant Colonel Dante S Tayco, Force Commander sa Roxas City, Capiz nito lamang ika-22 ng Agosto, 2022.
Ang aktibidad ay pinangunahan ng Capiz Emmanuel Hospital Inc. katuwang ang Bureau of Fire Protection Capiz, Capiz Police Provincial Office at Philippine Red Cross.
Ang nasabing aktibidad ay naglalayong makatulong upang matiyak na ang mga stock ng dugo ay nananatiling sapat sa naturang probinsya.
Ang nasabing aktibidad ay patunay lamang na ang PNP ay handang tumulong at maglingkod sa ating mga kababayan sa nasabing paraan upang mabigyan ng pag-asa at dugtungan ang buhay ng mga nangangailangan.
###
