Valencia, Bohol – Naging makulay ang pagsasagawa ng Feeding Program sa mga estudyante ng Anas Elementary School, Barangay Anas, Valencia, Bohol nito lamang ika-22 ng Agosto 2022.
Ang programa ay masayang pinangunahan ng mga tauhan ng Valencia Municipal Police Station sa direktang pangangasiwa ni Police Captain Clifton P Gairanod, Chief of Police.
Bukod sa pamamahagi ng pagkain, pinaalalahanan rin ng pulisya ang mga mag-aaral na mahigpit na sumunod sa health protocols upang maprotektahan ang sarili laban sa COVID-19.
Ibinahagi rin at ipinaunawa sa mga estudyante ang kanilang mga karapatan laban sa lahat ng uri ng pang-aabuso, kalupitan, pagsasamantala, kapabayaan at diskriminasyon.
Layunin ng aktibidad na ito na mabawasan ang malnutrisyon sa mga bata at maipadama ang malasakit at pagkalinga ng Pambansang Pulisya sa ating mga kababayan.
###
Panulat ni Kyla Hannah R Evangelista
