Tinambac, Camarines Sur – Tinatayang Php204,000 halaga ng shabu ang nakumpiska sa apat na suspek sa inilunsad na buy-bust operation ng Tinambac PNP at PDEA RO5 sa Zone 2, Barangay Sogod, Tinambac, Camarines Sur nito lamang Martes, Agosto 23, 2022.
Kinilala ni Police Major Dino Ben E. Regaspi, Officer-In-Charge ng Tinambac Municipal Police Station, ang mga suspek na sina Ariel Zapanta y Belleza alyas “Jing/Kula”, 46, may asawa, residente ng Barangay Sogod, Tinambac at dati ng nakulong dahil sa ilegal na droga; Domingo Villegas y Maldea, 50, residente ng Barangay Salpog, Tinambac; Genesis Estonido y Bustamante, may asawa, 30, residente ng Barangay Salvacion Poblacion, Tinambac; at Imelda Chen Indigo, 19, dalaga at residente ng Barangay Calauag, Naga City.
Ayon kay PMaj Regaspi, naaresto ang mga suspek bandang 3:05 ng hapon ng pinagsanib na mga operatiba ng Tinambac Municipal Police Station, PDEA- Camarines Sur at PDEA- Catanduanes.
Ayon pa kay PMaj Regaspi, nakumpiska mula sa mga suspek ang dalawang pirasong heat-sealed transparent sachet ng hinihinalang shabu na may tinatayang timbang na 30 na gramo na nagkakahalaga ng Php204,000.
Nahaharap ang mga suspek sa kasong paglabag sa RA 9165 o ang Comprehensive Dangerous Drugs Act of 2002.
Patuloy na maglulunsad ng mga operasyon ang PNP Bicol at PDEA RO5 upang matigil na ang pagkalat ng ipinagbabawal na droga na sumisira at lumalason sa buhay ng mga nabibiktima nito.
Source: Tinambac Mps Csppo
###
Panulat ni Patrolman Rodel Grecia
